mutthee bhar log!: mutthee bhar log!
saahas par kahaanee har saal garmee kee chhuttiyon mein nitin apane doston ke saath kisee pahaadee ilaake mein maunteniyaring ke lie jaata tha. is saal bhee ve isee makasad se rshikesh pahunche. gaid unhen ek phemas maunteniyaring spot par le gaya.
nitin aur usake doston ne socha nahin tha ki yahaan itanee bheed hogee.
har taraph log hee log nazar aa rahe the.
ek dost bola, ” yaar yahaan to shahar jaisee bheed hai…yahaan chadhaee karane mein kya maja??” “kya kar sakate hain… ab aa hee gae hain to afasos karane se kya phaayada…chalo isee ka maja uthaate hain…”, nitin ne javaab diya. sabhee dost parvataarohan karane lage aur kuchh hee samay mein pahaadee kee chotee par pahunch gae.
vahaan par pahale se hee logon ka taanta laga hua tha. doston ne socha chalo ab isee bheed mein do-chaar ghante kaimping karate hain aur phir vaapas chalate hain.
tabhee nitin ne saamane kee ek chotee kee taraph ishaara karate hue kaha, “ruko-ruko… zara us chotee kee taraph bhee to dekho… vahaan to bas mutthee bhar log hee dikh rahe hain… kitana maja aa raha hoga… kyon na ham vahaan chalen.” “vahaan!”, ek dost bola, “are vahaan jaana sabake bas kee baat nahin hai… us pahaadee ke baare mein mainne suna hai, vahaan ka raasta bada mushkil hai aur kuchh lakee log hee vahaan tak pahunch paate hain.” bagal mein khade kuchh logon ne bhee nitin ka majaak udaate hue kaha,” bhaee agar vahaan jaana itana hee aasaan hota to ham sab yahaan jhak nahin maar rahe hote!” lekin nitin ne kisee kee baat nahin sunee aur akela hee chotee kee taraph badh chala.
aur teen ghante baad vah us pahaadee ke shikhar par tha.
vahaan pahunchane par pahale se maujood logon ne usaka svaagat kiya aur use enkarej kiya. nitin bhee vahaan pahunch kar bahut khush tha ab vah shaanti se prakrti kee khoobasooratee ka aanand le sakata tha.
jaate-jaate nitin ne baakee logon se poochha,”ek baat bataiye… yahaan pahunchana itana mushkil to nahin tha, mere khayaal se to jo us bheed-bhaad vaalee chotee tak pahunch sakata hai vah agar thodee see aur mehanat kare to is chotee ko bhee chhoo sakata hai…phir aisa kyon hai ki vahaan saikadon logon kee bheed hai aur yahaan bas mutthee bhar log?”
vahaan maujood ek vetaran maunteniyar bola, “kyonki jyaadaatar log bas usee mein khush ho jaate hain jo unhen aasaanee se mil jaata…ve sochate hee nahin ki unake andar isase kaheen jyaada paane ka potenshiyal hai… aur jo thoda paakar khush nahin bhee hote ve kuchh adhik paane ke lie risk nahin uthaana chaahate… ve darate hain ki kaheen jyaada ke chakkar mein jo haath mein hai vo bhee na chala jae…
jabaki hakeekat ye hai ki agalee chotee ya agalee manjil paane ke lie bas jara se aur ephart kee zarurat padatee hai! par saahas na dikha paane ke kaaran adhikatar log pooree laiph bas bheed ka hissa hee ban kar rah jaate hain… aur saahas dikhaane vaalee un mutthee bhar logon ko lakee bata kar khud ko tasallee dete rahate hain.”
